ಅವನಿಗೆ ಬಿಟ್ಟದ್ದು

ಇರುಳಿರುಳು
ಉರುಳುರುಳಿ
ಇರುವಲ್ಲಿ,
ಸರಸರನೆ ಉರಿಉರಿಯ ಹೊರಟ
ಬೆಳ್-ಬೆಳಕ ದೀಪ
ಬುಡದ ಜೀವ ಬರಿಬರಿದಾಗಿ
ಸೊರಸೊರಗಿ, ಕರಕರಗಿ
ಅತ್-ಅತ್ತಿಂದಿತ್ತ, ಇತ್-ಇತ್ತಿಂದತ್ತ
ಗಿರಗಿರನೇ ಓಲಾಡಿ ಹೊರಳಾಡುವ
ಕರಿ ಕರಾಳ ಶಾಪ

ಬೆಳ್-ಬೆಳಕಿನ ಮೇಲೆ
ಗುಂಯ್ ಗಾಳಿಯ ದಾಳಿ
ಬೆಳ್-ಬೆಳಕಿಗೆ
ಸುಳ್-ಸುಳಿದ ಪತಂಗದ ಸುಳಿ

ಮೋಹನ ಮುರುಳಿ
ಮರಮರಳಿ ತೆರತೆರಳಿ
ಹೊರಹೊರಳಿ ಈ ಕಟ್ಟಿರುಳಲ್ಲಿ
ಕಾಣುವನೇ ಬೆಳ್-ಬೆಳಕ?
ಬೇಕು ಅವ ಕಾಣಬೇಕು
ಒಳಗೋ ಹೊರಗೋ
ಇಟ್ಟು ಬಾ ಹೊಸಿಲಲ್ಲಿ
ಅವನದನ್ನು ಇಟ್ಟುಕೊಳ್ಳಲಿ
ಒಳಗೋ ಹೊರಗೋ